९.६४
निर्घातोग्नैः कुञ्जलीनाञ्जिघांसुर्ज्यानिर्घोषैः क्षोभयामास सिंहान् ।
नूनं तेपामभ्यसृयापरोऽभूद्वीर्योदग्रे राजशब्दो मृगेषु ॥
सञ्जीविनीटीका (मल्लिनाथः) निर्घातेति॥ कुञ्जेषु लीनान्। निकुञ्जकुञ्जौ वा क्लीवे लतादिपिहितोदरे इत्यमरः (अमरकोशः २.३.९ ) । सिंहाञ्जिघांसुर्हन्तुमिच्छुः। निर्घातो व्योमोत्थित औत्पातिकः शब्द विशेषः। तद्वदुग्रै रौद्रैर्ज्यानिर्घोषैर्मौर्वीशब्दैः क्षोभयामास। अत्रोत्प्रेक्षते-तेषां सिंहानां संबन्धिनि वीर्येणोदग्र उन्नते मृगेषु विषये यो राजशब्दस्तस्मिन्नभ्यसूयापरोऽभून्नृनम्। अन्यथा कथमेतानन्विष्य हन्यादित्यर्थः। मृगाणाम् इति पाठे समासे गुणभूतत्वात् राजशब्देन संबन्धो दुर्घटः। शालिनीवृत्तम्-शालिन्युक्ता स्तौ तगौ गोऽब्धिलोकैः इति लक्षणात् ॥
छन्दः उपजातिः [११]
छन्दोविश्लेषणम्
१२३४५६७८९१०११
नि र्घा तो ग्नैः कुञ्ज ली नाञ्जि घांसु
र्ज्या नि र्घो षैः क्षोभ या मास सिं हान्
नू नं ते पा मभ्यसृ याप रो ऽभू
द्वी र्यो द ग्रे राज श ब्दोमृ गेषु
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.