९.६२
प्रायो विषाणपरिमोक्षलघूत्तमाङ्गान्खङ्गांश्चकार नृपतिर्निक्षितैः क्षुरप्रैः ।
श्रृङ्गं स दृप्तविनयाधिकृतः परेषामत्युच्छ्रितं न ममृषे न तु दीर्घमायुः ॥
सञ्जीविनीटीका (मल्लिनाथः) प्राय इति॥ नृपतिर्निशितैः क्षुरप्रैः शरविशेषैः खङ्गान् खङ्गाख्यान्मृगान्। गण्डके खङ्गखङ्गिनौ इत्यमरः (अमरकोशः ३.३.३१ ) । प्रायो बाहुल्येन विषाणपरिमोक्षेण शृङ्गभङ्गेन लघून्यगुरूण्युत्तमाङ्गानि शिरांसि येषां तांश्चकार। न त्ववधीदित्यर्थः। कुतः? दृप्तविनयाधिकृतो दुष्टनिग्रहनियुक्तः स राजा परेषां प्रतिकूलानामत्युच्छ्रितमुन्नतं श्रृङ्गं विषाणं प्राधान्यं च। शृङ्गं प्राधान्यसान्वोश्च इत्यमरः (अमरकोशः ३.३.३१ ) । न ममृषे न सेहे। दीर्घमायुर्जीवितकालम्। आयुर्जीवितकालो ना इत्यमरः (अमरकोशः ३.३.३१ ) । न ममृषे इति न। किंतु ममृष एवेत्यर्थः ॥
छन्दः वसन्ततिलका [१४: तभजजगग]
छन्दोविश्लेषणम्
१२३४५६७८९१०१११२१३१४
प्रा योवि षाणपरि मोक्षल घूत्त मा ङ्गा
न्ख ङ्गांश्च कारनृप ति र्निक्षि तैःक्षु र प्रैः
श्रृ ङ्गंस दृप्तविन याधिकृ तःप रे षा
म त्युच्छ्रि तंनममृ षेनतु दीर्घ मा युः
तभजजगग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.