९.५६
तत्प्रार्थितं जवनवाजिगतेन राज्ञा तूर्णीमुखोद्धृतशरेण विशीर्णपङ्क्ति ।
श्यामीचकार वनमाकुलदृष्टिपातै र्वातेरितोत्पलदलप्रकरैरिवार्द्रैः ॥
सञ्जीविनीटीका (मल्लिनाथः) तदिति॥ जवनो जवशीलः। जुचंक्रम्य- (अष्टाध्यायी ३.२.१५० ) इत्यादिना युच्प्रत्तययः। तरस्वी त्वरितो वेगी प्रजवी जवनो जवः इत्यमरः (अमरकोशः २.८.७३ ) । तं वाजिनमश्वं गतेनारूडेन। तूणीषुधिः। बह्वादिभ्यश्च (अष्टाध्यायी ४.१.५४ ) इति स्त्रियां ङीष्। तस्या मुखाद्विवरादुद्धृतशरेण राज्ञा प्रार्थितमभियाचितम्। याच्ञायामभियाने च प्रार्थना कथ्यते बुधैःइति केशवः। अत एव विशीर्णा पङ्क्तिः संघीभावो यस्य तत्। मृगयूथं कर्तृ आद्रैर्भयादश्रुसिक्तैराकुला भयचकिता ये दृष्टिपातास्तैः। वातेरितोत्पलदलप्रकरैः पवनकम्पितेन्दीवरदलवृन्दैरिव। वनं श्यामीचकार ॥
छन्दः वसन्ततिलका [१४: तभजजगग]
छन्दोविश्लेषणम्
१२३४५६७८९१०१११२१३१४
त त्प्रार्थि तंजवन वाजिग तेन रा ज्ञा
तू र्णीमु खोद्धृतश रेणवि शीर्ण पङ्क्ति
श्या मीच कारवन माकुल दृष्टि पा तै
र्वा तेरि तोत्पलद लप्रक रैरि वा र्द्रैः
तभजजगग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.