९.३४
प्रथममन्यभृताभिरुदीरिताः प्रविरला इव मुग्धवधूकथाः ।
सुरभिगन्धिषु शुश्रुविरे गिरः कुसुमितासु मिता वनराजिषु ॥
सञ्जीविनीटीका (मल्लिनाथः) प्रथममिति॥ सुरभिर्गन्धो यासां तासु सुरभिगन्धिषु। गन्धस्य- (अष्टाध्यायी ५.४.१३५ ) इत्यादिनेकारः। कुसुमान्यासां संजातानि कुसुमिताः। तासु वनराजिषु वनपङ्क्तिषु। अन्यभृताभिः कोकिलाभिः प्रथमं प्रारम्भेषूदीरिता उक्ता अत एव मिताः परिमिता गिर आलापाः। प्रविरला मौग्ध्यात्स्तोकोक्ता मुग्धवधूनां कथा वाच इव। शुश्रुविरे श्रुताः ॥
छन्दः द्रुतविलम्बितम् [१२: नभभर]
छन्दोविश्लेषणम्
१२३४५६७८९१०१११२
प्रथम मन्यभृ ताभिरु दीरि ताः
प्रविर लाइव मुग्धव धूक थाः
सुरभि गन्धिषु शुश्रुवि रेगि रः
कुसुमि तासुमि तावन राजिषु
नभभर
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.