८.४४
कुसुमान्यपि गात्रसंगमात्प्रभवन्त्यायुरपोहितुं यदि ।
न भविष्यति हन्त साधनं किमिवान्यत्प्रहरिष्यतो विधेः ॥
सञ्जीविनीटीका (मल्लिनाथः) कुसुमानीति॥ कुसुमानि पुष्पाण्यपि। अपि शब्दो नितान्तमार्दवद्योतनार्थः। गात्रसंगमाद्देहसंसर्गादायुरपोहितुमपहर्तुं प्रभवन्ति यदि। हन्त विषादे। हन्त हर्षेऽनुकम्पायां वाक्यारम्भविषादयोः इत्यमरः (अमरकोशः ३.३.२५९ ) । प्रहरिष्यतो हन्तुमिच्छतो विधेर्दैवस्यान्यत् कुसुमातिरिक्तं किमिव वस्तु। इवशब्दो वाक्यालंकारे। कीदृशमित्यर्थः। साधनं प्रहरणं न भविष्यति न भवेत्? सर्वमपि साधनं भविष्यत्येवेत्यर्थः ॥
छन्दः वियोगिनी []
छन्दोविश्लेषणम्
१२३४५६७८९१०११
कुसु मान्यपि गात्र संग मा
त्प्रभ व न्त्यायुर पोहि तुंयदि
नभ विष्यति हन्त साध नं
किमि वा न्यत्प्रह रिष्य तोवि धेः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.