८.३५
भ्रमरैः कुसुमानुसारिभिः परिकीर्णा परिवादिनी मुनेः ।
ददृशे पवनावलेपजं सृजती बाष्पमिवाञ्जनाविलम् ॥
सञ्जीविनीटीका (मल्लिनाथः) भ्रमरैरिति॥ कुसुमानुसारिभिः पुष्पानुयायिभिर्भ्रमरैरलिभिः परिकीर्णा व्याप्ता मुनेर्नारदस्य परिवादिनी वीणा वीणा तु वल्लकी। विपञ्ची सा तु तन्त्रीभिः सप्तभिः परिवादिनी॥ इत्यमरः (अमरकोशः १.७.४ ) । पवनस्य वायोरवलेपोऽधिक्षेपस्तज्जमञ्जनेन कज्जलेनाविलं कलुषं बाष्पमश्रु सृजतीव मुञ्चतीव। ददृशे दृष्टा। भ्रमराणां साञ्जनबाष्पबिन्दुसादृश्यं विवक्षितम्। वा नपुंसकस्य (अष्टाध्यायी ७.१.७९ ) इति वर्तमाने आच्छीनद्योर्नुम् (अष्टाध्यायी ७.१.८० ) इति नुम्विकल्पः ॥
छन्दः वियोगिनी []
छन्दोविश्लेषणम्
१२३४५६७८९१०११
भ्रम रैःकुसु मानु सारि भिः
परि की र्णापरि वादि नीमु नेः
ददृ शेपव नाव लेप जं
सृज ती बाष्पमि वाञ्ज नावि लम्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.