सञ्जीविनीटीका (मल्लिनाथः)
अनयदिति॥ एकोऽन्यतमः। अज इत्यर्थः। अनन्तरान्स्वभूम्यनन्तरान्नृपतीन्यातव्यपार्षिणिग्राहादीन् प्रभुशक्तिसंपदा कोशदण्डमहिम्ना वशं स्वायत्ततामनयत्। कोशो दण्डो बलं चैव प्रभुशक्तिः प्रकीर्तिता इति मिताक्षरायाम्। अपरो रघुः प्रणिधानयोग्यया समाध्यभ्यासेन। योगाभ्यासार्कयोषितोः इति विश्वः। शरीरगोचरान्देहाश्रयान्पञ्च मरुतः पाणादीन्वशमनयत्। प्राणोऽपानः समानश्चोदानव्यानौ च वायवः। शरीरस्थाः इत्यरमः ॥
छन्दः
वियोगिनी []
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ |
|---|
| अ | न | य | त्प्र | भु | श | क्ति | सं | प | दा |
| व | श | मे | को | नृ | प | ती | न | न | न्त | रान् |
| अ | प | रः | प्र | णि | धा | न | यो | ग्य | या |
| म | रु | तः | प | ञ्च | श | री | र | गो | च | रान् |