७.५२
अन्योन्यसूतोन्मथनादभूतां तावेव सूतौ रथइनौ च कौचित् ।
व्यश्वौ गदाव्यायतसंप्रहारौ भग्नायुधौ बाहुविमर्दनिष्ठौ ॥
सञ्जीविनीटीका (मल्लिनाथः) अन्योन्येति॥ कौचिद्वीरावन्योन्यस्य सूतयोः सारथ्योरुन्मथनान्निघनात्तावेव सूतौ रथिनौ योद्धारौ चाभूताम्। तावेव व्यश्वौ नष्टाश्वौ सन्तौ गदाभ्यां व्यायतो दीर्घः संप्रहारो युद्धं ययोस्तावभूताम्। ततो भग्नायुधौ सन्तौ बाहुविमर्दे निष्ठा नाशो ययोस्तौ बाहुयुद्धसक्तावभूताम्। निष्ठा निष्पत्तिनाशान्ताः इत्यमरः (अमरकोशः ३.३.४७ ) ॥
छन्दः इन्द्रवज्रा [११: ततजगग]
छन्दोविश्लेषणम्
१२३४५६७८९१०१११२
अ न्योन्य सू तोन्मथ नाद भू तां
ता वेव सू तौरथइ नौच कौ चित्
व्य श्वौग दा व्यायत संप्र हा रौ
भ ग्नायु धौ बाहुवि मर्द नि ष्ठौ
ततजगग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.