७.४९
शिलीमुखोत्कृत्तशिरःफलाढ्या च्युतैः शिरस्त्रैश्चषकोत्तरेव ।
रणक्षितिः शोणितमद्यकुल्या रराज मृत्योरिव पानभूमिः ॥
सञ्जीविनीटीका (मल्लिनाथः) शिलीमुखेति॥ शिलूमुखैर्बाणैरुत्कृत्तानि शिरांस्येव फलानि तैराढ्या संपन्ना। च्युतैर्भ्रष्टैः शिरांसि त्रायन्त इति शिरस्त्राणि शीर्षण्यानि। शीर्षण्यं च शिरस्त्रे च इत्यमरः (अमरकोशः २.८.६४ ) । तैश्चषकोत्तरा चषकः पानपात्रमुत्तरं यस्याः सेव। चषकोऽस्त्री पानपात्रम् इत्यमरः (अमरकोशः २.८.६४ ) । शोणितान्येव मद्यं तस्य कुल्याः प्रवाहा यस्यां सा। कुल्याल्पा कृत्रिमा सरित् इत्यमरः (अमरकोशः २.८.६४ ) । रणक्षितिर्युद्धभूमिर्मृत्योः पानभूमिरिव रराज ॥
छन्दः उपेन्द्रवज्रा [११: जतजगग]
छन्दोविश्लेषणम्
१२३४५६७८९१०११
शि लीमु खो त्कृत्तशि रःफ ला ढ्या
च्यु तैःशि र स्त्रैश्चष कोत्त रेव
र णक्षि तिः शोणित मद्य कु ल्या
र राज मृ त्योरिव पान भू मिः
जतजगग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.