७.४५
अप्यर्धमार्गे परबाणलूना धनुर्भृतां हस्तवतां पृषत्काः ।
संप्रापुरेवात्मजवानुवृत्त्या पूर्वार्धभागैः फलिभिः शरव्यम् ॥
सञ्जीविनीटीका (मल्लिनाथः) अपीति॥ अर्धश्चासौ मार्गश्च तस्मिन्नर्धमार्गे परेषां बाणैर्लूनाश्छिन्ना अपि हस्तवतां कृतहस्तानां धनुर्भृतां पृषत्काः शरा आत्मजवानुवृत्त्या स्ववेगानुबन्धेन हेतुना फलिभिर्लोहाग्रवद्भिः। सस्यबाणाग्रयोः फलम् इति विश्वः। पूर्वार्धभागैः। शृणातीति शरुः। तस्मै हितं शरव्यं लक्ष्यम्। उगवादिभ्यो यत् (अष्टाध्यायी ५.१.२ ) इति यत्प्रत्ययः। लक्षं लक्ष्यं शरव्यं च इत्यमरः (अमरकोशः २.८.८६ ) । संप्रापुरेव, न तु मध्ये पतिता इत्यर्थः॥
छन्दः उपजातिः [११]
छन्दोविश्लेषणम्
१२३४५६७८९१०११
अ प्यर्ध मा र्गेपर बाण लू ना
ध नुर्भृ तां हस्तव तांपृ ष त्काः
सं प्रापु रे वात्मज वानु वृ त्त्या
पू र्वार्ध भा गैःफलि भिःश र व्यम्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.