७.३३
तिस्रस्त्रिलोकप्रथितेन सार्धमजेन मार्गे वसतीरुषित्वा ।
तस्मादपावर्तत कुण्डिनेशः पर्वात्यये सोम इवोष्णरश्मेः ॥
सञ्जीविनीटीका (मल्लिनाथः) तिस्र इति॥ कुण्डिनं विदर्भनगरं तस्येशो भोजस्त्रिषु लोकेषु प्रथितेनाजेन सार्धं मार्गं पथि तिस्रो वसती रात्रीरुषित्वा स्थित्वा। वसती रात्रिवेश्मनोः इत्यमरः (अमरकोशः ३.३.७४ ) । कालाध्वनोरत्यन्तसंयोगे (अष्टाध्यायी २.३.५ ) इति द्वितीया। पर्यात्यये दर्शान्त उष्णरश्मेः सूर्यात् सोमश्चन्द्र इव। तस्मादजादपावर्तत । तं विसृज्य निवृत्त इत्यर्थः ॥
छन्दः उपजातिः [११]
छन्दोविश्लेषणम्
१२३४५६७८९१०११
ति स्रस्त्रि लो कप्रथि तेन सार्ध
म जेन मा र्गेवस तीरु षि त्वा
त स्माद पा वर्तत कुण्डि ने शः
प र्वात्य ये सोमइ वोष्ण र श्मेः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.