७.१४
परस्परेण स्पृहणीयशोभं न चेदिदं द्वन्द्वमयोजयिष्यत् ।
अस्मिन्द्वये रूपविधानयत्नः पत्युः प्रजानां वितथोऽभविष्यत् ॥
सञ्जीविनीटीका (मल्लिनाथः) परस्परेणेति॥ स्पृहणीयशोभं सर्वाशास्यसौन्दर्यमिदं द्वन्द्वं मिथुनम्। द्वन्द्वं रहस्य- (अष्टाध्यायी ८.१.१५ ) इत्यादिना निपातः। परस्परेण नायोजयिष्यञ्चेत् न योजयेद्यदि तर्हि प्रजानां पत्युर्विधातुरस्मिन्द्वये द्वन्द्वे रूपविधानयत्नः सौन्दर्यनिर्माणप्रयासो वितथो विफलोऽभविष्यत्। एतादृशानुरूपस्त्रीपुंसान्तराभावादिति भावः। लिङ्निमित्ते लृङ्क्रियातिपत्तौ (अष्टाध्यायी ३.३.१३९ ) इति लृङ्। कुतश्चित्कारणवैगुण्याक्रियाया अनभिनिष्पत्तिः क्रियातिपत्तिः इति वृत्तिकारः ॥
छन्दः उपजातिः [११]
छन्दोविश्लेषणम्
१२३४५६७८९१०११
प रस्प रे णस्पृह णीय शो भं
न चेदि दं द्वन्द्वम योज यि ष्यत्
अ स्मिन्द्व ये रूपवि धान य त्नः
प त्युःप्र जा नांवित थोऽभ वि ष्यत्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.