६.५९
अथोरगाख्यस्य पुरस्य नाथं दौवारिकी देवसरूपमेत्य ।
इतश्चकोराक्षि! विलोकयेति पूर्वानुशिष्टां निजगाद भोज्याम् ॥
सञ्जीविनीटीका (मल्लिनाथः) अथेति॥ अथ द्वारे नियुक्ता दौवारिकी सुनन्दा। तत्र नियुक्तः (अष्टाध्यायी ४.४.६९ ) इति ठक्प्रत्ययः। द्वारादीनां च (अष्टाध्यायी ७.३.४ ) इत्यौ-आगमः। आकारेण देवसरूपं देवतुल्यम्। उरगाख्यस्य पुरस्य पाण्ड्यदेशे कान्यकुब्जतीरवर्तिनागपुरस्य नाथमेत्य प्राप्य। हे चकोराक्षि! इतो विलोकयेति पूर्वानुशिष्टां पूर्वमुक्तां भोजस्य राज्ञो गोत्रापत्यं स्त्रियं भोज्यामिन्दुमतीम्। क्रौड्यादिभ्यश्च (अष्टाध्यायी ४.१.८० ) इत्यत्र भोजाक्षत्रियात्इत्युपसंख्यानात्ष्यङ्प्रत्ययः। यङश्चाप् (अष्टाध्यायी ४.१.७४ ) इति चाप्। निजगाद। इतो विलोक्य इति पूर्वमुक्त्वा पश्चाद्वक्तव्यं निजगादेत्यर्थः ॥
छन्दः उपजातिः [११]
छन्दोविश्लेषणम्
१२३४५६७८९१०११
अ थोर गा ख्यस्यपु रस्य ना थं
दौ वारि की देवस रूप मेत्य
इ तश्च को राक्षिवि लोक येति
पू र्वानु शि ष्टांनिज गाद भो ज्याम्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.