६.५३
अथाङ्गदाश्लिष्टभुजं भुजिष्या हेमाङ्गदं नाम कलिङ्गनाथम् ।
आसेदुषीं सादितशत्रुपक्षं बालामवालेन्दुमुखीं बभाषे ॥
सञ्जीविनीटीका (मल्लिनाथः) अथेति॥ अथ भुजिष्या किंकरी सुनन्दा। भुजिष्या किंकरी मता इति हलायुधः। अङ्गदाश्लिष्टभुजं केयूरनद्धबाहुं सादितशत्रुपक्षं विनाशितशत्रुवर्गं हेमाङ्गदं नाम कलिङ्गनाथमासेदुषीमासन्नामबालेन्दुमुखीं पूर्णेन्दुमुखीं बालामिन्दुमतीं बभाषे ॥
छन्दः उपजातिः [११]
छन्दोविश्लेषणम्
१२३४५६७८९१०११
अ थाङ्ग दा श्लिष्टभु जंभु जि ष्या
हे माङ्ग दं नामक लिङ्ग ना थम्
आ सेदु षीं सादित शत्रु प क्षं
बा लाम वा लेन्दुमु खींब भा षे
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.