६.४६
नीपान्वयः पार्थिव एष यज्वा गुणैर्यमाश्रित्य परस्परेण ।
सिद्धाश्रमं शान्तमिवैत्य सत्त्वैर्नैसर्गिकोऽप्युत्ससृजे विरोधः ॥
सञ्जीविनीटीका (मल्लिनाथः) नीपेति॥ यज्वा विधइवदिष्टवान्। सुयजोर्ङ्वनिप् (अष्टाध्यायी ३.२.१०३ ) इति ङ्वनिप्प्रत्ययः। एष पार्तिवः। नीपो नामान्वयोऽस्येति नीपान्वयो नीपवंशजः। यं सुषेणमाश्रित्य गुणैर्ज्ञानमौनादिभिः। शान्तं प्रसन्नं सिद्धाश्रममृष्याश्रममेत्य प्राप्य सत्त्वैर्गजसिंहादिभिः प्राणिभिरिव। नैसर्गिकः स्वाभाविकोऽपि परस्परेण विरोध उत्ससृजे त्यक्तः ॥
छन्दः उपजातिः [११]
छन्दोविश्लेषणम्
१२३४५६७८९१०११
नी पान्व यः पार्थिव एष य ज्वा
गु णैर्य मा श्रित्यप रस्प रेण
सि द्धाश्र मं शान्तमि वैत्य स त्त्वै
र्नै सर्गि को ऽप्युत्ससृ जेवि रो धः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.