६.३७
तामग्रतस्तामरसान्तराभामनूपराजस्य गुणैरनूनाम् ।
विधाय सृष्टिं ललितां विधातुर्जगाद भूयः सुदतीं सुनन्दा ॥
सञ्जीविनीटीका (मल्लिनाथः) तामिति॥ सुनन्दा तामरसान्तराभां पद्मोदरतुल्यकान्तिम्। कनकगौरीमित्यर्थः। गुणैरनूनाम्। अधिकामित्यर्थः। शोभना दन्ता यस्याः सा सुदती। वयसि दन्तस्य दतृ (अष्टाध्यायी ५.४.१४१ ) इति दत्रादेशः। उगितश्च (अष्टाध्यायी ४.१.६ ) इति ङीप्। तां प्रकृतां प्रसिद्धां वा विधातुर्ललितां सृष्टम्। मधुरनिर्माणां स्त्रियमित्यर्थः। अनुगता आपो येषु तेऽनूपा नाम देशाः। ऋक्पूरब्धूः पथामानक्षे (अष्टाध्यायी ५.४.७४ ) इत्यप्रत्ययः समासान्तः। ऊदनोर्देशे (अष्टाध्यायी ६.३.९८ ) इत्यूदादेशः। तेषां राज्ञोऽनूपराजस्याग्रतो विधाय व्यवस्थाप्य भूयः पुनर्जगाद ॥
छन्दः उपजातिः [११]
छन्दोविश्लेषणम्
१२३४५६७८९१०११
ता मग्र त स्तामर सान्त रा भा
म नूप रा जस्यगु णैर नू नाम्
वि धाय सृ ष्टिंललि तांवि धातु
र्ज गाद भू यःसुद तींसु न न्दा
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.