६.२२
कामं नृपाः सन्तु सहस्रशोऽन्ये राजन्वतीमाहुरनेन भूमिम् ।
नक्षत्रताराग्रहसंकुलापि ज्योतिष्मती चन्द्रमसैव रात्रिः ॥
सञ्जीविनीटीका (मल्लिनाथः) काममिति॥ अन्ये नृपाः कामं सहस्रशः सन्तु। भूमिमनेन राजन्वतीं शोभनराजवतीमाहुः। नैतादृक्कश्चिदस्तीत्यर्थः। सुराज्ञि देशे राजन्वान्स्यात्ततोऽन्यत्र राजवान् इत्यमरः (अमरकोशः २.१.१४ ) । राजन्वान्सौराज्ये (अष्टाध्यायी ८.२.१४ ) इति निपातनात्साधुः। तथा हि - नक्षत्रैरश्विन्यादिभिस्ताराभिः साधारणैर्ज्योतिर्भिर्ग्रहैर्भौमादिभिश्च संकुलाऽपि रात्रिश्चन्द्रमसैव ज्योतिरस्या अस्तीति ज्योतिष्मती। नान्येन ज्योतिषेत्यर्थः ॥
छन्दः इन्द्रवज्रा [११: ततजगग]
छन्दोविश्लेषणम्
१२३४५६७८९१०११
का मंनृ पाः सन्तुस हस्र शो ऽन्ये
रा जन्व ती माहुर नेन भू मिम्
न क्षत्र ता राग्रह संकु लापि
ज्यो तिष्म ती चन्द्रम सैव रा त्रिः
ततजगग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.