असौ इति पुरोवर्तिनो निर्देशः। एवमुत्तरत्रापि द्रष्टव्यम्। शरणोन्मुखानां शरणार्थिनां शरण्यः शरणे रक्षणे साधुः। इति यत्प्रत्ययः। शरणं भवितुमर्हः शरण्य इति-नाथनिरुक्तिर्निर्मूलैव। अगाधसत्त्वो गम्भीरस्वभावः। सत्त्वं गुणे पिशाचादौ बले द्रव्यस्वभावयोः इति विश्वः। मगधा जनपदाः, तेषु प्रतिष्ठास्पदं यस्य स मगधप्रतिष्ठः। प्रतिष्ठाकृत्यमास्पदम् इत्यमरः (अमरकोशः ३.३.१०१ ) । प्रजारञ्जने लब्धवर्णो विचक्षणः। यद्वा, -प्रजारञ्जनेन लब्धोत्कर्षः। पराञ्शत्रूंस्तापयतीति परंतपः परंतपाख्यः। द्विषत्परयोस्तापेः (अष्टाध्यायी ३.२.३९ ) । इति खच्प्रत्ययः। खचि ह्रस्वः (अष्टाध्यायी ६.४.९४ ) इति ह्रस्वः। अरुर्द्विषदजन्तस्य मुम् (अष्टाध्यायी ६.३.६७ ) इति मुमागमः। नामेति प्रसिद्धौ। यथार्थनामा। शत्रुसंतापनादिति भावः ॥
| १ | २ | ३ | ४ | ५ | ६ | ७ | ८ | ९ | १० | ११ |
|---|---|---|---|---|---|---|---|---|---|---|
| अ | सौ | श | र | ण्यः | श | र | णो | न्मु | खा | ना |
| म | गा | ध | स | त्त्वो | म | ग | ध | प्र | ति | ष्ठः |
| रा | जा | प्र | जा | र | ञ्ज | न | ल | ब्ध | व | र्णः |
| प | रं | त | पो | ना | म | य | था | र्थ | ना | मा |