६.१९
कश्चिद्यथाभागमवस्थितेऽपि स्वसंनिवेशाद्व्यतिलङ्घिनीव ।
वज्रांशुगर्भाङ्गुलिरन्ध्रमेकं व्यापारयामास करं किरीटे ॥
सञ्जीविनीटीका (मल्लिनाथः) कश्चिदिति॥ कश्चिद्यथाभागं यथास्थानमवस्थितेऽपि स्वसंनिवेशाद्व्यतिलङ्घिनीव स्वस्थानाञ्चलित इव किरीटे वज्राणां किरीटगतानामंशवो गर्भे येषां तान्यङ्गुलिरन्ध्राणि यस्य तमेकं करं व्यापारयामास। किरीटवन्मम शिरसि स्थितामपि त्वां भारं न मन्ये- इति नृपाभिप्रायः। शिरसि न्यस्तहस्तोऽयमपलक्षणः-इतीन्दुमत्यभिप्रायः ॥
छन्दः उपजातिः [११]
छन्दोविश्लेषणम्
१२३४५६७८९१०११
क श्चिद्य था भागम वस्थि तेऽपि
स्व संनि वे शाद्व्यति लङ्घि नीव
व ज्रांशु ग र्भाङ्गुलि रन्ध्र मे कं
व्या पार या मासक रंकि री टे
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.