६.१०
मनुष्यवाह्यं चतुरस्रयानमध्यास्य कन्या परिवारशोभि ।
विवेश मञ्चान्तरराजमार्गं पतिंवरा क्लृप्तविवाहवेषा ॥
सञ्जीविनीटीका (मल्लिनाथः) मनुष्येति॥ पतिं वृणोतीति पतिंवरा स्वयंवरा। अथ स्वयंवरा। पतिंवरा च वर्याथ इत्यमरः। संज्ञायां भृतॄवृजि- (अष्टाध्यायी ३.२.४६ ) इत्यादिना खच्प्रत्ययः। क्लृप्तविवाहवेषा कन्येन्दुमती मनुष्यैर्वाह्यं परिवारेण परिजनेन शोभि चतुरस्रयानं चतुरस्रवाहनं शिबिकामध्यास्यारुह्य मञ्चान्तरे मञ्चमध्ये यो राजमार्गस्तं वेवेश ॥
छन्दः उपजातिः [११]
छन्दोविश्लेषणम्
१२३४५६७८९१०११
म नुष्य वा ह्यंचतु रस्र यान
म ध्यास्य क न्यापरि वार शोभि
वि वेश म ञ्चान्तर राज मा र्गं
प तिंव रा क्लृप्तवि वाह वे षा
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.