५.८
निर्वर्त्यते यैर्नियमाभिषेको येभ्यो निवापाञ्जलयः पितॄणाम् ।
तान्युञ्छषष्ठाङ्कितसैकतानि शिवानि वस्तीर्थजलानि कञ्चित् ॥
सञ्जीविनीटीका (मल्लिनाथः) निर्वर्त्यत इति॥ यैस्तीर्थजलैर्नियमाभिषेको नित्यस्नानादिर्निर्वर्त्यते निष्पाद्यते। येभ्यो जलेभ्यः। उद्धृत्येति शेषः। पितॄणामग्निष्वात्तादीनां निवापाञ्जलयस्तर्पणाञ्जलयः। पितृदानं निवापः स्यात् इत्यमरः (अमरकोशः २.७.३३ ) । निर्वर्त्यन्ते। उञ्छानां प्रकीर्णोद्धृतधान्यानां षष्टैः षष्ठभागैः पालकत्वाद्राजग्राहैरङ्कितानि सैकतानि पुनिनानि येषां तानि तथोक्तानि वो युष्माकं तानि तीर्थजलानि शिवानि भद्राणि कञ्चित्? अनुपप्लवानि किमित्यर्थः। उञ्छो धान्यांशकादानं कणिशाद्यर्जनं शिलम् इति यादवः। ।षष्टाष्टमाभ्यां ञ च (अष्टाध्यायी ५.३.५० ) इति षष्ठशब्दाद्भागार्थेऽन्प्रत्ययः। अत एवापूरणार्थत्वात् पूरणगुण- (अष्टाध्यायी २.२.११ ) इत्यादिना न षष्ठीसमासप्रतिषेधः। सिकता येषु सन्ति सैकतानि। सिकताशर्कराभ्यां च (अष्टाध्यायी ५.२.१०४ ) इत्यण्प्रत्ययः ॥
छन्दः उपजातिः [११]
छन्दोविश्लेषणम्
१२३४५६७८९१०११
नि र्वर्त्य ते यैर्निय माभि षे को
ये भ्योनि वा पाञ्जल यःपि तॄ णाम्
ता न्युञ्छ ष ष्ठाङ्कित सैक तानि
शि वानि व स्तीर्थज लानि क ञ्चित्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.