५.७५
इति विरचितवाग्भिर्बन्दिपुत्रैः कुमारः सपदि विगतनिद्रस्तल्पमुज्झांचकार ।
मदपटुनिनदद्भिर्बोधितो राजहंसैः सुरगज इव गाङ्गं सैकतं सुप्रतीकः ॥
सञ्जीविनीटीका (मल्लिनाथः) इतीति॥ इतीत्थँ विरचितवाग्भिर्बन्दिपुत्रैर्वैतालिकैः। पुत्रग्रहणं समानवयस्कत्वद्योतनार्थम्। सपदि विगतनिद्रः कुमारः। तल्पं शय्याम्। तल्पं शय्याट्टदारेषु इत्यमरः (अमरकोशः ३.३.१३८ ) । उज्झांचकार विससर्ज। इजादेश्च गुरुमतोऽनृच्छः (अष्टाध्यायी ३.१.३६ ) इत्याम्प्रत्ययः। कथमिव? मदेन पटु मधुरं निनदद्भी राजहंसैर्बोधितः सुप्रतीकाख्यः सुरगज ईशानदिग्गजः। गङ्गाया इदं गाङ्गम्। सैकतं पुलिनमिव। तोयोत्थितं तत्पुलिनं सैकतं सिकतामयम् इत्यमरः (अमरकोशः ३.३.१३८ ) । सिकताशर्कराभ्यां च (अष्टाध्यायी ५.२.१०४ ) इत्यण्प्रत्ययः। सुप्रतीकग्रहणं प्रायशः कैलासवालिनस्तस्य नित्यं गङ्गातटविहारसंभवादित्यनुसंधेयम् ॥
छन्दः मालिनी [१५: ननमयय]
छन्दोविश्लेषणम्
१२३४५६७८९१०१११२१३१४१५
इतिविरचित वा ग्भि र्बन्दि पु त्रैःकु मा रः
सपदिविगत नि द्र स्तल्प मु ज्झांच कार
मदपटुनिन द द्भि र्बोधि तो राज हं सैः
सुरगजइव गा ङ्गं सैक तं सुप्र ती कः
ननमयय
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.