५.४
अप्यग्रणीर्मन्त्रकृतामृषीणां कुशाग्रबुद्धे! कुशली गुरुस्ते ।
यतस्त्वया ज्ञानमशेषमाप्तं लोकेन चैतन्यमिवोष्णरश्मेः ॥
सञ्जीविनीटीका (मल्लिनाथः) अप्यग्रणीरिति॥ हे कुशाग्रबुद्धे सूक्ष्मबुद्धे!कुशाग्रीयमतिः प्रोक्तः सूक्ष्मदर्शी च यः पुमान् इति हलायुधः। मन्त्रकृतां मन्त्रस्रष्टॄणाम्। सुकर्मपापमन्त्र- (अष्टाध्यायी ३.२.८९ ) इत्यादिना क्विप्। ऋषीणामग्रणीः श्रेष्ठस्ते तव गुरुः कुशल्यपि क्षेमवान्किम्? अपिप्रश्ने। गर्हासमुञ्चयप्रश्नशङ्कासंभावनास्वपि इत्यमरः। यतो यस्माद्गुरोः सकाशात् त्वयाऽशेषं ज्ञानम्। लोकेनोष्णरश्मेः सूर्याञ्चैतन्यं प्रबोध इव। आप्तं स्वीकृतम् ॥
छन्दः उपजातिः [११]
छन्दोविश्लेषणम्
१२३४५६७८९१०११
अ प्यग्र णी र्मन्त्रकृ तामृ षी णां
कु शाग्र बु द्धेकुश लीगु रु स्ते
य तस्त्व या ज्ञानम शेष मा प्तं
लो केन चै तन्यमि वोष्ण र श्मेः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.