५.३६
ब्राह्मे मुहूर्ते किल तस्य देवी कुमारकल्पं सुषुवे कुमारम् ।
अतः पिता ब्रह्मण एव नाम्ना तमात्मजन्मानमजं चकार ॥
सञ्जीविनीटीका (मल्लिनाथः) ब्राह्म इति॥ तस्य रघोर्देवी महिषी ब्राह्मे। तस्येदम् (अष्टाध्यायी ४.३.१२० ) इत्यण्। ब्रह्मदेवताकेऽभिजिन्नामके मुहूर्ते किलेषदसमाप्तं कुमारं कुमारकल्पं स्कन्दसदृशम्। ईषदसमाप्तौ- (अष्टाध्यायी ५.६.६७ ) इत्यादिना कल्पप्प्रत्ययः। कुमारं पुत्रं सुषुवे। कुमारो बालके स्कन्दे इति विश्वः। अतो ब्राह्ममुनहूर्तोत्पन्नत्वात् पिता रघुर्ब्रह्मणो विधेरेव नाम्ना तमात्मजन्मानं पुत्रमज मजनामकं चकार। अजो हरौ हरे कामे विधौ छागे रघोः सुते इति विश्वः ॥
छन्दः उपजातिः [११]
छन्दोविश्लेषणम्
१२३४५६७८९१०११
ब्रा ह्मेमु हू र्तेकिल तस्य दे वी
कु मार क ल्पंसुषु वेकु मा रम्
अ तःपि ता ब्रह्मण एव ना म्ना
त मात्म ज न्मानम जंच कार
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.