५.३५
इत्थं प्रयुज्याशिषमग्रजन्मा राज्ञे प्रतीयाय गुरोः सकाशम् ।
राजापि लेभे सुतमाशु तस्मादालोकमर्कादिव जीवलोकः ॥
सञ्जीविनीटीका (मल्लिनाथः) इत्थमिति॥ अग्रजन्मा ब्राह्मणः। अग्रजन्मा द्विजे श्रेष्ठे भ्रातरि ब्रह्मणि स्मृतः इति विश्वः। इत्थं राज्ञ आशिषं प्रयुज्य दत्त्वा गुरोः सकाशं समीपं प्रतीयाय प्राप। राजाऽपि। जीवलोको जीवसमूहः। जीवः प्राणिनि गीष्पतौ इति विश्वः। अर्गादालोकं प्रकाशमिव। चैतन्यम् इति पाठे ज्ञानम्। तस्मादृषेराशु सुतं लेभे प्राप ॥
छन्दः इन्द्रवज्रा [११: ततजगग]
छन्दोविश्लेषणम्
१२३४५६७८९१०११
इ त्थंप्र यु ज्याशिष मग्र ज न्मा
रा ज्ञेप्र ती यायगु रोःस का शम्
रा जापि ले भेसुत माशु त स्मा
दा लोक म र्कादिव जीव लो कः
ततजगग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.