५.३१
जनस्य साकेतनिवासिनस्तौ द्वावप्यभूतामभिनन्द्यसत्त्वौ ।
गुरुप्रदेयाधिकनिःस्पृहोऽर्थी नृपोऽर्थिकामादधिकप्रदश्च ॥
सञ्जीविनीटीका (मल्लिनाथः) जनस्येति॥ तावर्थि-दातारौ द्वावपि साकेतनिवासिनोऽयोध्यावासिनः। साकेतः स्यादयोध्यायां कोसला नन्दिनी च सा इति यादवः। जनस्याभिनन्द्यसत्त्वौ स्तुत्यव्यवसायावभूताम्। द्रव्यासुव्यवसायेषु सत्त्वमस्त्री तु जन्तुषु इत्यमरः। कौ द्वौ? गुरुप्रदेयादधिकेऽतिरिक्तद्रव्ये निःस्पृहोऽर्थी। अर्थिकामादर्थिमनोरथादधिकं प्रददातीति तथोक्तः। प्रे दाज्ञः। (अष्टाध्यायी ३.२.६ ) इति कप्रत्ययः। नृपश्च ॥
छन्दः उपजातिः [११]
छन्दोविश्लेषणम्
१२३४५६७८९१०११
ज नस्य सा केतनि वासि न स्तौ
द्वा वप्य भू तामभि नन्द्य स त्त्वौ
गु रुप्र दे याधिक निःस्पृ हो ऽर्थी
नृ पोऽर्थि का मादधि कप्र दश्च
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.