५.३०
तं भूपतिर्भासुरहेमराशिं लब्धं कुबेरादभियास्यमानात् ।
दिदेश कौत्साय समस्तमेव पादं सुमेरोरिव वज्रभिन्नम् ॥
सञ्जीविनीटीका (मल्लिनाथः) तमिति॥ भूपती रघुः। अभियास्यमानादभिगमिष्यमाणात् कुबेराल्लब्धम्। वज्रेण कुलिशेन भिन्नं सुमेरोः पादं प्रत्यन्तपर्वनमिव स्थितम्। पादाः प्रत्यन्तपर्वताः इत्यमरः (अमरकोशः २.३.७ ) । शृङ्गम् इति क्वचित्पाठः। तं भासुरं भास्वरम्। भञ्जभासमिदो घुरच् (अष्टाध्यायी ३.२.१६१ ) इति घुरच्। हेमराशिं समस्तं कृत्स्नमेव कौत्साय दिदेश ददौ। न तु चतुर्दशकोटिमात्रमित्येवकारार्थः ॥
छन्दः उपजातिः [११]
छन्दोविश्लेषणम्
१२३४५६७८९१०११
तं भूप ति र्भासुर हेम रा शिं
ल ब्धंकु बे रादभि यास्य मा नात्
दि देश कौ त्सायस मस्त मेव
पा दंसु मे रोरिव वज्र भि न्नम्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.