५.२९
प्रातः प्रयाणाभिमुखाय तस्मै सविस्मयाः कोषगृहे नियुक्ताः ।
हिरण्मयीं कोषगृहस्य मध्ये वृष्टिं शशंसुः पतितां नभस्तः ॥
सञ्जीविनीटीका (मल्लिनाथः) प्रातरिति॥ प्रातः प्रयाणाभिमुखाय तस्मै रघवे कोषगृहे नियुक्ता अधिकृता भाण्डागारिकाः सविस्मयाः सन्तः कोषगृहस्य मध्ये नभस्तो नभसः। पञ्चम्यास्तसिल्प्रत्ययः। पतितां हिरण्मयीं सुवर्णमयीम्। दाण्डिनायन- (अष्टाध्यायी ६.४.१७४ ) इत्यादिना निपातनात्साधुः। वृष्टिं शशंसुः कथयामासुः ॥
छन्दः उपजातिः [११]
छन्दोविश्लेषणम्
१२३४५६७८९१०११
प्रा तःप्र या णाभिमु खाय त स्मै
स विस्म याः कोषगृ हेनि यु क्ताः
हि रण्म यीं कोषगृ हस्य म ध्ये
वृ ष्टिंश शं सुःपति तांन भ स्तः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.