५.२५
स त्वं प्रशस्ते महिते मदीये वसंश्चतुर्थोऽग्निरिवाग्न्यगारे ।
द्वित्राण्यहान्यर्हसि सोढुमर्हन्! यावद्यते साधयितुं त्वदर्थम् ॥
सञ्जीविनीटीका (मल्लिनाथः) स इति॥ स त्वं महिते पूजिते प्रशस्ते प्रसिद्धे मदीयेऽग्न्यगारे त्रेताग्निशालायां चतुर्थोऽग्निरिव वसन् द्वित्राणि द्वे त्रीणि वाऽहानि दिनानि। संख्ययाव्ययासन्नादूराधिकसंख्याः संख्येये (अष्टाध्यायी २.२.२५ ) इति बहुव्रीहिः। बहुव्रीहौ संख्येये डजबहुगणात् (अष्टाध्यायी ५.४.७३ ) इति डच्प्रत्ययः समासान्तः। सोढुमर्हसि। हे अर्हन्मान्य! त्वदर्थं तव प्रयोजनं साधयितुं यावद्यते यतिष्ये। यावत्पुरानिपातयोर्लट् (अष्टाध्यायी ३.३.४ ) इति भविष्यदर्थे लट् ॥
छन्दः उपजातिः [११]
छन्दोविश्लेषणम्
१२३४५६७८९१०११
स त्वंप्र श स्तेमहि तेम दी ये
व संश्च तु र्थोऽग्निरि वाग्न्य गा रे
द्वि त्राण्य हा न्यर्हसि सोढु मर्ह
न्या वद्य ते साधयि तुंत्व द र्थम्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.