५.१४
भक्तिः प्रतीक्ष्येषु कुलोचिता ते पूर्वान्महाभाग! तयातिशेषे ।
व्यतीतकालस्त्वहमभ्युपेतस्त्वामर्थिभावादिति मे विषादः ॥
सञ्जीविनीटीका (मल्लिनाथः) भक्तिरिति॥ प्रतीक्ष्येषु पूज्येषु। पूज्यः प्रतीक्ष्यः इत्यमरः (अमरकोशः ३.१.५ ) । भक्तिरनुरागविशेषस्ते तव कुलोचिता कुलाभ्यस्ता। अभ्यस्तेऽप्युचितं न्याय्यम् इति यादवः। हे महाभाग सार्वभौम! तया भक्त्या पूर्वानतिशेषेऽतिवर्तसे। किंतु सर्वत्र वार्तं चेत्तर्हि कथं खेदखिन्न इव दृश्यसेऽत आह-व्यतीतेति। अहं व्यतीतकालोऽतिक्रान्तकालः सन्नर्थिभावात्त्वामभ्युपेत इति मे मम विषादः ॥
छन्दः उपजातिः [११]
छन्दोविश्लेषणम्
१२३४५६७८९१०११
भ क्तिःप्र ती क्ष्येषुकु लोचि ता ते
पू र्वान्म हा भागत याति शे षे
व्य तीत का लस्त्वह मभ्यु पेत
स्त्वा मर्थि भा वादिति मेवि षा दः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.