५.११
तवार्हतो नाभिगमेन तृप्तं मनो नियोगक्रिययोत्सुकं मे ।
अप्याज्ञया शासितुरात्मना वा प्राप्तोऽसि संभावयितुं वनान्माम् ॥
सञ्जीविनीटीका (मल्लिनाथः) तवेति॥ अर्हतः पूज्यस्य प्रशंस्यस्य। अर्हः प्रशंसायाम् (अष्टाध्यायी ३.२.११३ ) इति शतृप्रत्ययः। तवाभिगमेनागमनमात्रेण मे मनो न तृप्तं न तुष्टम्। किंतु नियोगक्रिययाऽऽज्ञाकरणेनोत्सुकं सोत्कण्ठम्। इष्टार्थोद्युक्त उत्सुकः इत्यमरः (अमरकोशः ३.१.९ ) । प्रसितोत्सुकाभ्यां तृतीया च (अष्टाध्यायी २.३.४४ ) इति सप्तम्यर्थे तृतीया। शासितुर्गुरोराज्ञयाप्यात्मना स्वतो वा। प्रकृत्यादिभ्य उपसंख्यानम्(वा.१४६६) इति तृतीया। मां संभावयितुं वनात्प्राप्तोऽसि? गुर्वर्थं स्वार्थं वाऽऽगमनमित्यर्थः॥
छन्दः उपजातिः [११]
छन्दोविश्लेषणम्
१२३४५६७८९१०११
त वार्ह तो नाभिग मेन तृ प्तं
म नोनि यो गक्रिय योत्सु कं मे
अ प्याज्ञ या शासितु रात्म ना वा
प्रा प्तोऽसि सं भावयि तुंव ना न्माम्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.