४.४
सममेव समाक्रान्तं द्वयं द्विरदगामिना ।
तेन सिंहासनं पित्र्यमखिलं चारिमण्डलम् ॥
सञ्जीविनीटीका (मल्लिनाथः) सममिति॥ द्विरद इव द्विरदैश्च गच्छतीति द्विरदगामिना। कर्तर्युपमाने (अष्टाध्यायी ३.२.७९ ) इति, सुप्यजातौ- (अष्टाध्यायी ३.२.७८ ) इति च णिनिः। तेन रघुणा समं युगपदेव द्वयं समाक्रान्तमधिष्ठितम्। किं तद्वयम्? पितुरागतं पित्र्यम्। पितुर्यत- (अष्टाध्यायी ४.३.७९ ) इति यत्प्रत्ययः। सिंहासनम्। अखिलमरीणां मण्डलं राष्ट्रं च ॥
छन्दः अनुष्टुप् [८]
छन्दोविश्लेषणम्
१२३४५६७८
सम मेवस मा क्रा न्तं
द्व यंद्विरद गामि ना
तेन सिं हास नं पित्र्य
मखि लं चारि मण्ड लम्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.