४.३४
पौरस्त्यानेवमाक्रामंस्तांस्ताञ्जनपदाञ्जयी ।
प्राप तालीवनश्याममुपकण्ठं महोदधेः ॥
सञ्जीविनीटीका (मल्लिनाथः) पौरस्त्यानिति॥ जयी जयनशीलः। जिदृक्षिविश्री- (अष्टाध्यायी ३.२.१४७ ) इत्यादिनेनिप्रत्ययः। स रघुरेवम्। पुरो भवान् पौरस्त्यान्प्राच्यान्। दक्षिणापश्चात्पुरसस्त्यक् (अष्टाध्यायी ४.२.९८ ) इति त्यक्प्रत्ययः। तांस्तान्, सर्वानित्यर्थः। वीप्सायां द्विरुक्तिः। जनपदान्देशानाक्रामन्। तालीवनैः श्यामं महोदधेरुपकण्ठमन्तिकं प्राप॥
छन्दः अनुष्टुप् [८]
छन्दोविश्लेषणम्
१२३४५६७८
पौ र स्त्या नेव मा क्रा मं
स्तां स्ताञ्जनप दाञ्ज यी
प्राप ता लीव न श्याम
मुप क ण्ठंम होद धेः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.