४.३१
मरुपृष्ठान्युदम्भांसि नाव्याः सुप्रतरा नदीः ।
विपिनानि प्रकाशानि शक्तिमत्त्वाञ्चकार सः ॥
सञ्जीविनीटीका (मल्लिनाथः) मर्विति॥ स रघुः शक्तिमत्त्वात्समर्थत्वान्मरुपृष्ठानि निर्जलस्थानानि। समानौ मरुधान्वानौ इत्यमरः (अमरकोशः १.१०.१० ) । उदम्भांस्युद्भूतजलानि चकार। नाव्या नौभिस्तार्या नदीः। नाव्यं त्रिलिङ्गं नौतार्ये इत्यमरः (अमरकोशः १.१०.१० ) । aनौवयोधर्मविषमूल- (अष्टाध्यायी ४.४.९१ ) इत्यादिना यत्प्रत्ययः। सुप्रतराः सुखेन तार्याश्चकार। विपिनान्यरण्यानि। अटव्यरण्यं विपिनम् इत्यमरः (अमरकोशः १.१०.१० ) । प्रकाशानि निर्वृक्षाणि चकार। शक्त्युत्कर्षात्तस्यागम्यं किमपि नासीदिति भावः॥
छन्दः अनुष्टुप् [८]
छन्दोविश्लेषणम्
१२३४५६७८
मरु पृ ष्ठान्यु द म्भांसि
ना व्याः सुप्रत रान दीः
विपि ना निप्र का शानि
शक्ति म त्त्वाञ्च कार सः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.