सञ्जीविनीटीका (मल्लिनाथः)
निधानेति॥ नृपः ससत्त्वामापन्नसत्त्वाम्। गर्भिणीमित्यर्थः। आपन्नसत्त्वा स्याद्गुर्विण्यन्तर्वत्नी च गर्भिणी इत्यमरः (अमरकोशः २.६.२२ ) । महिषीम्। निधानं निधिर्गर्भे यस्यास्तां सागराम्बरां समुद्रवसनाम्। भूमिमिवेत्यर्थः;भूतधात्री रत्नगर्भा विपुला सागराम्बरा इति कोशः। अभ्यन्तरे लीनः पावको यस्यास्तां शमीमिव। शमीतरौ वह्निरस्तीत्यत्र लिङ्गं-शमीगर्भादग्निं मथ्नन्तीति। अन्तः सलिलामन्तर्गतजलां सरस्वतीं नदीमिव। अमन्यत। एतेन गर्भस्य भाग्यवत्त्व-तेजस्वित्व-पावनत्वानि विवक्षितानि ॥
छन्दः
वंशस्थम् [१२: जतजर]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ | १२ |
|---|
| नि | धा | न | ग | र्भा | मि | व | सा | ग | रा | म्ब | रां |
| श | मी | मि | वा | भ्य | न्त | र | ली | न | पा | व | काम् |
| न | दी | मि | वा | न्तः | स | लि | लां | स | र | स्व | तीं |
| नृ | पः | स | स | त्त्वां | म | हि | षी | म | म | न्य | त |
| ज | त | ज | र |