३.४४
मखांशभाजां प्रथमो मनीषिभिस्त्वमेव देवेन्द्र! सदा निगद्यसे ।
अजस्रदीक्षाप्रयतस्य मद्गुरोः क्रियाविथाताय कथं प्रवर्तसे ? ॥
सञ्जीविनीटीका (मल्लिनाथः) मखेति॥ हे देवेन्द्र! मनीषिभिस्त्वमेव मखांशभाजां यज्ञभागभुजां प्रथमः सदा निगद्यसे कथ्यसे। तथाप्यजस्रदीक्षायां नित्यदीक्षायां प्रयतस्य मद्गुरोः क्रियाविघाताय क्रतुविघाताय, क्रियां विहन्तुमित्यर्थः। तुमर्थाञ्च भाववचनात् (अष्टाध्यायी २.३.१५ ) इति चतुर्थीं। कथं प्रवर्तसे? ॥
छन्दः वंशस्थम् [१२: जतजर]
छन्दोविश्लेषणम्
१२३४५६७८९१०१११२
म खांश भा जांप्रथ मोम नीषिभि
स्त्व मेव दे वेन्द्रस दानि गद्य से
अ जस्र दी क्षाप्रय तस्य मद्गु रोः
क्रि यावि था तायक थंप्र वर्त से
जतजर
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.