२.६१
उत्तिष्ठ वत्सेत्यमृतायमानं वचो निशम्योत्थितमुत्थितः सन् ।
ददर्श राजा जननीमिव स्वां गामग्रतः प्रस्रविणीं न सिंहम् ॥
सञ्जीविनीटीका (मल्लिनाथः) उत्तिष्ठेति॥ राजा। अमृतमिवाचरतीत्यमृतायमानम्। उपमानादाचारे (अष्टाध्यायी ३.१.१० ) इति क्यच्। ततः शानच्। उत्थितमुत्पन्नम्, हे वत्स! उत्तिष्ठ इति वचो निशम्य श्रुत्वा। उत्थितः सन्। अस्तेः शतृप्रत्ययः। अग्रतोऽग्रे प्रस्रवः क्षीरस्रावोऽस्ति यस्याः सा तां प्रस्रविणीं गां स्वां जननीमिव ददर्श। सिंहं न ददर्श ॥
छन्दः उपजातिः [११]
छन्दोविश्लेषणम्
१२३४५६७८९१०११
उ त्तिष्ठ व त्सेत्यमृ ताय मा नं
व चोनि श म्योत्थित मुत्थि तः सन्
द दर्श रा जाजन नीमि व स्वां
गा मग्र तः प्रस्रवि णींन सिं हम्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.