२.६०
तस्मिन्क्षणे पालयितुः प्रजानामुत्पश्यतः सिंहनिपातमुग्रम् ।
अवाङ्मुखस्योपरि पुष्पवृष्टिः पपात विद्याधरहस्तमुक्ता ॥
सञ्जीविनीटीका (मल्लिनाथः) तस्मिन्निति॥ तस्मिन्क्षणे उग्रं सिंहनिपातमुत्पश्यत उत्प्रेक्षमाणस्य तर्कयतोऽवाङ्मुखस्याधोमुखस्य। स्यादवाङप्यधोमुखः इत्यमरः (अमरकोशः ३.१.३३ ) । प्रजानां पालयितू राज्ञ उपर्युपरिष्टात्। उपर्युपरिष्टात् (अष्टाध्यायी ५.३.३१ ) इति निपातः। विद्याधराणां देवयोनिविशेषणां हस्तैर्मुक्ता पुष्पवृष्टिः पपात ॥
छन्दः उपजातिः [११]
छन्दोविश्लेषणम्
१२३४५६७८९१०११
त स्मिन्क्ष णे पालयि तुःप्र जा ना
मु त्पश्य तः सिंहनि पात मु ग्रम्
अ वाङ्मु ख स्योपरि पुष्प वृ ष्टिः
प पात वि द्याधर हस्त मु क्ता
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.