२.५८
संबन्धमाभाषणपूर्वमाहुर्वृत्तः स नौ संगतयोर्वनान्ते ।
तद्भूतनाथानुग! नार्हसि त्वं संबन्धिनो मे प्रणयं विहन्तुम् ॥
सञ्जीविनीटीका (मल्लिनाथः) संबन्धमिति॥ संबन्धं सख्यम्। आभाषणमालापः पूर्वं कारणं यस्य तमाहुः। स्यादाभाषणमालापः इत्यमरः (अमरकोशः १.६.१५ ) । स तादृक्संबन्धो वनान्ते संगतयोर्नावावयोर्वृत्तो जातः। तत्ततो हेतोर्हे भूतनाथानुग शिवानुचर!। एतेन तस्य महत्त्वं सूचयति। अत एव संबन्धिनो मित्रस्य मे प्रणयं याञ्चाम्। प्रणयास्त्मी। विश्रम्भयाञ्चाप्रेमाणः इत्यमरः (अमरकोशः १.६.१५ ) । विहन्तुं नार्हसि ॥
छन्दः इन्द्रवज्रा [११: ततजगग]
छन्दोविश्लेषणम्
१२३४५६७८९१०११
सं बन्ध मा भाषण पूर्व माहु
र्वृ त्तःस नौ संगत योर्व ना न्ते
त द्भूत ना थानुग नार्ह सि त्वं
सं बन्धि नो मेप्रण यंवि ह न्तुम्
ततजगग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.