२.५७
किमप्यहिंस्यस्तव चेन्मतोऽहं यशःशरीरे भव मे दयालुः ।
एकान्तविध्वंसिषु मद्विधानां पिण्डेष्वनास्था खलु भौतिकेषु ॥
सञ्जीविनीटीका (मल्लिनाथः) किमिति॥ किमपि किं वाऽहं तवाहिंस्योऽवध्यो मतश्चेत्तर्हि मे यश एव शरीरं तस्मिन् दयालुः कारुणिको भव। स्याद्दयालुः कारुणिकः इत्यमरः (अमरकोशः ३.१.१५ ) । ननु मुख्यमुपेक्ष्यामुख्यशरीरे कोऽभिनिवेशः? अत आह-एकान्तेति॥ मद्विधानां मादृशानां विवेकिनामेकान्तविध्वंसिष्ववश्यविनाशिषु भौतिकेषु पृथिव्यादिभूतविकारेषु पिण्डेषु शरीरेष्वनास्था खल्वनपेक्षैव। आस्था त्वालम्बनास्थानयत्नापेक्षासु कथ्यते इति विश्वः ॥
छन्दः उपजातिः [११]
छन्दोविश्लेषणम्
१२३४५६७८९१०११
कि मप्य हिं स्यस्तव चेन्म तो ऽहं
य शःश री रेभव मेद या लुः
ए कान्त वि ध्वंसिषु मद्वि धा नां
पि ण्डेष्व ना स्थाखलु भौति केषु
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.