२.४८
भूतानुकम्पा तव चेदियं गौरेका भवेत्स्वस्तिमती त्वदन्ते ।
जीवन्पुनः शश्वदुपप्लवेभ्यः प्रजाः प्रजानाथ! पितेव पासि ॥
सञ्जीविनीटीका (मल्लिनाथः) भूतेति॥ तव भूतेष्वनुकम्पा कृपा चेत्। कृपा दयानुकम्पा स्यात् इत्यमरः (अमरकोशः १.७.१९ ) । कृपैव वर्तते चेदित्यर्थः। तर्हि त्वदन्ते तव नाशे सति, इयमेका गौः। स्वस्ति क्षेममस्या अस्तीति स्वस्तिमती। भवेत्, जीवेदित्यर्थथः। स्वस्त्याशीःक्षेमपुण्यादौ इत्यमरः (अमरकोशः १.७.१९ ) । हे प्रजानाथ! जीवन् पुनः पितेव प्रजा उपप्लवेभ्यो विपद्भ्यः शश्वत् सदा ।पुनः सदार्थयोः शश्वत् इत्यमरः (अमरकोशः १.७.१९ ) । पासि रक्षसि। स्वप्राणव्ययेनैकधेनुरक्षणाद्वरं जीवितेनैव शश्वदखिलजगत्त्राणमित्यर्थः॥
छन्दः उपजातिः [११]
छन्दोविश्लेषणम्
१२३४५६७८९१०११
भू तानु क म्पातव चेदि यं गौ
रे काभ वे त्स्वस्तिम तीत्व द न्ते
जी वन्पु नः शश्वदु पप्ल वे भ्यः
प्र जाःप्र जा नाथपि तेव पासि
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.