२.३१
वामेतरस्तस्य करः प्रहर्तुर्नखप्रभाभूषितकङ्कपत्रे ।
सक्ताङ्गुलिः सायकपुङ्ख एव चित्रार्पितारम्भ इवावतस्थे ॥
सञ्जीविनीटीका (मल्लिनाथः) वामेति॥ प्रहर्तुस्तस्य वामेतरो दक्षिणः करः। नखप्रभाभिर्भूषितानि विच्छुरितानि कङ्कस्य पक्षिविशेषस्य पत्राणि यस्य तस्मिन्। कङ्कः पक्षिविशेषे स्याद्गुप्ताकारे युधिष्टिरे इति विश्वः। कङ्कस्तु कर्कटः इति यादवः। सायकस्य पुङ्ख एव कर्तर्याख्ये मूलप्रदेशे। कर्तरी पुङ्खेइति यादवः। सक्ताङ्गुलिः सन्। चित्रार्पितारम्भश्चित्रलिखितशरोद्धरणोद्योग इव। अवतस्थे ॥
छन्दः उपजातिः [११]
छन्दोविश्लेषणम्
१२३४५६७८९१०११
वा मेत र स्तस्यक रःप्र हर्तु
र्न खप्र भा भूषित कङ्क प त्रे
स क्ताङ्गु लिः सायक पुङ्ख एव
चि त्रार्पि ता रम्भइ वाव त स्थे
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.