२.१६
तां देवतापित्रतिथिक्रियार्थामन्वग्ययौ मध्यमलोकपालः ।
बभौ च सा मतेन सतां तेन श्रद्धेव साक्षाद्विधिनोपपन्ना ॥
सञ्जीविनीटीका (मल्लिनाथः) तामिति॥ मध्यमलोकपालो भूपालः। देवतापित्रतिथीनां क्रिया यागश्राद्धदानानि ता एवार्थः प्रयोजनं यस्यास्तां तां धेनुमन्वगनुपदं ययौ। अन्वगन्वक्षमनुगेऽनुपदं क्लीबमव्ययम् इत्यमरः (अमरकोशः ३.१.७७ ) । सतां मतेन सिद्धिर्मान्येन। गतिबुद्धि- (अष्टाध्यायी १.४.५२ ) इत्यादिना वर्तमाने क्तः। क्तस्य च वर्तमाने (अष्टाध्यायी २.३.६७ ) इति षष्ठी। तेन राज्ञोपपन्ना युक्ता सा धेनुः। सतां मतेन विधिनाऽनुष्ठानेनोपपन्ना युक्ता साक्षात् प्रत्यक्षा श्रद्धाऽऽस्तिक्यबुद्धिरिव। बभौ च ॥
छन्दः उपजातिः [११]
छन्दोविश्लेषणम्
१२३४५६७८९१०११
तां देव ता पित्रति थिक्रि या र्था
म न्वग्य यौ मध्यम लोक पा लः
ब भौच साम तेनस तां तेन
श्र द्धेव सा क्षाद्विधि नोप प न्ना
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.