२.१२
स कीचकैर्मारुतपूर्णरन्ध्रैः कूजद्भिरापादितवंशकृत्यम् ।
शुश्राव कुञ्जेषु यशः स्वमुञ्चैरुद्गीयमानं वनदेवताभिः ॥
सञ्जीविनीटीका (मल्लिनाथः) स इति॥ स दिलीपो मारुतपूर्णरन्ध्रैः। अत एव कूजद्भिः स्वनद्भिः कीचकैर्वेणुविशेषैः। वेणवः कीचकास्ते स्युर्ये स्वनन्त्यनिलोद्धताः इत्यमरः (अमरकोशः २.४.१६१ ) । वंशः सुषिरवाद्यावशेषः। वंशादिकं तु सुषिरम् इत्यमरः (अमरकोशः २.४.१६१ ) । आपादितं संपादितं वंशस्य कृत्यं कार्यं यस्मिन्कर्मणि तत्तथा। कुञ्जेषु लतागृहेषु। निकुञ्जकुञ्जौ वा क्लिबे लतादिपिहितोदरे इत्यमरः (अमरकोशः २.४.१६१ ) । वनदेवताभिरुद्गीयमानमुञ्चैर्गीयमानं स्वं यशः शुश्राव श्रुतवान्॥
छन्दः उपजातिः [११]
छन्दोविश्लेषणम्
१२३४५६७८९१०११
स कीच कै र्मारुत पूर्ण र न्ध्रैः
कू जद्भि रा पादित वंश कृ त्यम्
शु श्राव कु ञ्जेषुय शःस्व मु ञ्चै
रु द्गीय मा नंवन देव ता भिः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.