१३.२
वैदेहि! पश्याऽऽमलयाद्विभक्तं मत्सेतुना फेनिलमम्बुराशिम् ।
छायापथेनेव शरत्प्रसन्नमाकाशमाविष्कृतचारुतारम् ॥
सञ्जीविनीटीका (मल्लिनाथः) वैदेहीति॥ हे वैदेहि सीते! आ मलयान्मलयपर्यन्तम्। पञ्चम्यपाङ्परिभिः (अष्टाध्यायी २.३.१० ) इति पञ्चमी। पदद्वयं चैतत्। मत्सेतुना विभक्तं द्विधा कृतम्। अत्यायतसेतुनेत्यर्थः। हर्षाधिक्याञ्च मद्ग्रहणम्। फेनिलं फेनवन्तम्। फेनादिलञअच (अष्टाध्यायी ५.२.९९ ) इतीलच्प्रत्ययः। क्षिप्रकारी चायमिति भावः। अम्बुराशिम्। छायापथेन विभक्तं शरत्प्रसन्नमाविष्कृतचारुतारमाकाशमिव। पश्य। मम महानयं प्रयासस्त्वदर्थं इति हृदयम्। छायापथो नाम ज्योतिश्चक्रमध्यवर्ती कश्चित्तिरश्चीनोऽवकाशः ॥
छन्दः इन्द्रवज्रा [११: ततजगग]
छन्दोविश्लेषणम्
१२३४५६७८९१०११
वै देहि प श्याऽऽमल याद्वि भ क्तं
म त्सेतु ना फेनिल मम्बु रा शिम्
छा याप थे नेवश रत्प्र सन्न
मा काश मा विष्कृत चारु ता रम्
ततजगग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.