१३.१
अथात्मनः शब्दगुणं गुणज्ञः पदं विमानेन विगाहमानः ।
रत्नाकरं वीक्ष्य मिथः स जायां रामाभिधानो हरिरित्युवाच ॥
सञ्जीविनीटीका (मल्लिनाथः) अथेति॥ अथ प्रस्थानानन्तरम्। जानातीति ज्ञः। इगुपध- (अष्टाध्यायी ३.१.१३५ ) इत्यादिना कप्रत्ययः। गुणानां ज्ञो गुणज्ञः। रत्नाकरादिवर्ण्यैश्वर्यगुणाभिज्ञ इत्यर्थः। स रामाभिधानो हरिर्विष्णुः शब्दो गुणो यस्य तच्छब्दगुणमात्मनः स्वस्य पदं विष्णुपदम्। आकाशमित्यर्थः। वियद्विष्णुपदम् इत्यमरः (अमरकोशः १.२.२ ) । शब्दगुणमाकाशम्इति तार्किकाः। विमानेन पुष्पकेण विगाहमानः सन् रत्नाकरं वीक्ष्य मिथो रहसि। मिथोऽन्योन्यं रहस्यपि इत्यमरः (अमरकोशः १.२.२ ) । जायां पत्नीं सीतामिति वक्षअयमाणप्रकारेणोवाच। रामस्य हरिरित्यभिधानं निरङ्कुशमहिमद्योतनार्थम्। मिथो ग्रहणं गोष्ठीविश्रम्भसूचनार्थम् ॥
छन्दः उपजातिः [११]
छन्दोविश्लेषणम्
१२३४५६७८९१०११
अ थात्म नः शब्दगु णंगु ण ज्ञः
प दंवि मा नेनवि गाह मा नः
र त्नाक रं वीक्ष्यमि थःस जा यां
रा माभि धा नोहरि रित्यु वाच
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.