१२.३१
पञ्चवट्यां ततो रामः शासनात्कुम्भजन्मनः ।
अनपोढस्थितिस्तस्थौ विन्ध्याद्रिः प्रकृताविव ॥
सञ्जीविनीटीका (मल्लिनाथः) पञ्चवट्यामिति॥ ततो रामः कुम्भजन्मनोऽगस्त्यस्य शासनात्। पञ्चानां वटानां समाहारः पञ्चवटी। तद्धितार्थ- (अष्टाध्यायी २.१.५१ ) इति तत्पुरुषः । संख्यापूर्वो द्विगोः (अष्टाध्यायी २.१.२२ ) इति द्विगुसंज्ञायाम् द्विगोः (अष्टाध्यायी ४.१.२१ ) इति ङीप्। द्विगुरेकवचनम् (अष्टाध्यायी २.४.१ ) इत्येकवचनम्। तस्यां पञ्चवट्याम्। विन्ध्याद्रिः प्रकृतौ वृद्धेः पूर्वावस्थायामिव। अनपोढस्थितिरनतिक्रान्तमर्यादस्तस्थौ ॥
छन्दः अनुष्टुप् [८]
छन्दोविश्लेषणम्
१२३४५६७८
पञ्च व ट्यांत तो रा मः
शास ना त्कुम्भ जन्म नः
अन पो ढस्थि ति स्त स्थौ
वि न्ध्या द्रिःप्रकृ ताविव
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.