११.९३
अथ पथि गमयित्वा क्लृप्तरम्योपकार्ये कतिचिदवनिपालः शर्वरीः शर्वकल्पः ।
पुरमविशदयोध्यां मैथिलीदर्शनीनां कुवलयितगवाक्षां लोचनैरङ्गनानाम् ॥
सञ्जीविनीटीका (मल्लिनाथः) अथेति॥ अथ। ईषदसमाप्तः शर्वः शर्वकल्पः। ईषदसमाप्तौ- (अष्टाध्यायी ५.३.६७ ) इति कल्पप्प्रत्ययः। अवनिपालः क्लृप्ता रम्या नवा उपकार्या यस्मिन्स तस्मिन्पथि कतिचिच्छर्वरी रात्रिर्गमयित्वा मैथिलीदर्शनीनामङ्गनानां लोचनैः कुवलयानि येषां संजातानि कुवलयिताः। तदस्य संजातं तारकादिभ्य इतञ् (अष्टाध्यायी ५.२.३६ ) इतीतच्प्रत्ययः। कुवलयिता गवाक्षा यस्यास्तां पुरमयोध्यामविशत् प्रविष्टवान् ॥
छन्दः मालिनी [१५: ननमयय]
छन्दोविश्लेषणम्
१२३४५६७८९१०१११२१३१४१५
अथपथिगम यि त्वा क्लृप्त र म्योप का र्ये
कतिचिदवनि पा लः शर्व रीः शर्व क ल्पः
पुरमविशद यो ध्यां मैथि ली दर्श नी नां
कुवलयितग वा क्षां लोच नै रङ्ग ना नाम्
ननमयय
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.