११.७५
क्षत्रियान्तकरणोऽपि विक्रमस्तेन मामवति नाजिते त्वयि ।
पावकस्य महिमा स गण्यते कक्षवज्ज्वलति सागरेऽपि यः ॥
सञ्जीविनीटीका (मल्लिनाथः) क्षत्रियेति॥ तेन कारणेन। क्रियते येनासौ करणः। क्षत्रियान्तस्य करणोऽपि विक्रमः। त्वय्यजिते मां नावति न प्रीणाति। तथा हि-पावकस्याग्नेर्महिमा स गण्यते यः कक्षवत् कक्ष इव। तत्र तस्येव (अष्टाध्यायी ५.१.११६ ) इति सप्तम्यर्थे वतिः। सागरेऽपि। ज्वलति ॥
छन्दः रथोद्धता [११: रनरलग]
छन्दोविश्लेषणम्
१२३४५६७८९१०११
क्षत्रि यान्तकर णोऽपि विक्रम
स्तेन मामवति नाजि तेत्वयि
पाव कस्यमहि मास गण्य ते
कक्ष वज्ज्वलति साग रेऽपि यः
रनरलग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.