११.३०
इत्यपास्तमखविघ्नयोस्तयोः सांयुगीनमभिनन्द्य विक्रमम् ।
ऋत्विजः कुलपतेर्यथाक्रमं वाग्यतस्य निरवर्तयन्क्रियाः ॥
सञ्जीविनीटीका (मल्लिनाथः) इतीति॥ इत्यपास्तमखविघ्नयोस्तयो राघवयोः। संयुगे रणे साधुः सांयुगीनस्तम्। प्रतिजनादिभ्यः खञ् (अष्टाध्यायी ४.४.९९ ) इति खञ्प्रत्ययः। सांयुगीनो रणे साधुः इत्यमरः (अमरकोशः २.८.७७ ) । विक्रममभिनन्द्य ऋत्विजो याजकाः। वाचि यतो वाग्यतो मौनी तस्य कुलपतेर्मुनिकुलेश्वरस्य क्रियाः क्रतुक्रिया यथाक्रमं निरवर्तयन् निषअपादितवन्तः ॥
छन्दः रथोद्धता [११: रनरलग]
छन्दोविश्लेषणम्
१२३४५६७८९१०११
इत्य पास्तमख विघ्न योस्त योः
सांयु गीनमभि नन्द्य विक्र मम्
ऋत्वि जःकुलप तेर्य थाक्र मं
वाग्य तस्यनिर वर्त यन्क्रि याः
रनरलग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.